Пошукавая работа
У мемарыяльным музеі Міколы Гамолкі вядзецца сістэматычная пошукавая работа.
У бягучым навучальным годзе музей наведаў жыхар г. Гомеля, які давёз у музей звесткі пра сваю маму - выкладчыцу фізікі Мазур Надзею Цярэнцьеўну, якая працавала ў школе №1, калі Мікола Гамолка вучыўся ў выпускным класе.
Актыўна адгукнулася на запыт пошукавай групы рэдакцыя часопіса “Вясёлка”. Галоўны рэдактар Уладзімір Ліпскі даслаў ксеракопіі матэрыялаў:
- арыгіналы вершаў паэта “Кім быць?”, “Камсамолу”,
-казкі “Рукавічка”, “Няўдалы лятун”,
-часопіс “Вясёлка” ад 08. 1978 года з вершам “У грыбах”,
-фотаздымкі Міколы Гамолкі розных гадоў;
- пераклады верша ўкраінскага паэта Алекса Юшчанкі “Снягі, снягі у далях скрозь..”і казкі Эно Раўд “Вожыкава каструля”.
Матэрыялы музея папоўнілі фотакарткі самога аўтара, якія даслаў у музей сын Мікалая Іванавіча.
Увесь матэрыял з’яўляецца каштоўным для экспазіцыі, бо пашырае нашы веды пра аўтара і будзе выкарыстаны пры правядзенні экскурсій для наведвальнікаў.
Мы ўдзячны ўсім нераўнадушным людзям, хто імкнецца захаваць памяць пра жыццё і дзейнасць Міколы Гамолкі.
