Новости проекта
Отвечаем на ваши вопросы!
Важные моменты в Инструктивно-методическом письме
Новинка! Отчеты по ведению электронного журнала
Конкурс продолжается!
Голосование
Сколько вы тратите времени на дорогу до места работы/учебы
Всего 92 человека
Голосование
Как Вам новый сайт?
Всего 486 человек

Задача музея – выхоўваць патрыётаў

Дата: 29 июня 2017 в 10:05

Вельмі важнай задачай сучаснай школы з’яўляецца выхаванне ў дзяцей і навучэнцаў патрыятызму і грамадзянскасці, маральных якасцей падрастаючага пакалення.  Патрыятызм – гэта любоў да Радзімы і свайго народа, адданае служэнне іх інтарэсам, шанаванне лепшых нацыянальных традыцый. Гэта  адно з найбольш глыбокіх пачуццяў, замацаваных стагоддзямі існавання нашай Айчыны.  Гэтыя задачы актыўна абмяркоўваюцца настаўнікамі нашай школы  як на ўроках, так і ў пазакласных мерапрыемствах, але найбольш паспяхова яны могуць быць вырашаны шляхам прыцягнення вучняў да ўдзелу ў навукова-пошукавай  і краязнаўчай рабоце, якая актыўна праводзіцца  ў мемарыяльным музеі Міколы Гамолкі, што размешчаны ў СШ №1 г. Жыткавічы.  Вучні  школы вучацца па-сапраўднаму любіць сваю краіну, даражыць ёю.  Чым больш  мы  будзем ведаць пра саміх сябе, тым хутчэй будзем станавіцца нацыянальна свядомымі грамадзянамі.

Адна з работ, над якой працуюць  вучні- даследчыкі пад кіраўніцтвам  настаўніцы гісторыі Касінскай Т.  В.  і   кіраўніка музея настаўніцы беларускай мовы і літаратуры Кальцовай З.І. – “Прадметы побыту нашых продкаў”. Да гэтай тэмы нас падштурхнула наведванне хаты бацькоў Мікалая  Іванавіча, дзе былі знойдзены начоўкі, старэнькія, з трэшчынай па даўжыні, але  з якім клопатам і адказнасцю яны адрамантаваны рукамі мясцовага (невядомага нам) умельца,  што сведчыць пра беражлівыя адносіны гаспадароў да такой патрэбнай ў хаце рэчы.   А яшчэ для больш нагляднага ўспрымання розных побытавых прадметаў у кабінеце гісторыі нашай навучальнай установы настаўніцай Касінскай Т.В. створаны этнаграфічны куток, дзе размешчаны такія прадметы побыту.  І кожны маленькі грамадзянін, перад вачамі якога ў сучасным свеце шматлікія электронныя прадметы, можа разгледзець гэтыя рэчы, нават патрымаць у руках і супаставіць сённяшнія хатнія рэчы з тымі, што былі раней у кожнай хаце.

Нашы продкі былі людзі ўмелыя, практычна ўсё для свайго карыстання рабілі сваімі рукамі. Вось як пра гэта пішуць гісторыкі: "Кожная вёска - гэта своеасаблівая дзяржава, з усім сваім - моваю, звычаямі, норавамі і побытам. Кожны гаспадар, кожная гаспадыня імкнуліся быць ва ўсім незалежнымі, самастойнымі, абыходзіцца без чыёй бы і якой бы там ні было дапамогі. Трэба былі саха, барана, плуг, серп, калёсы, сані, сякера, граблі, піла, каса, лыжка, міска, гаршчок, вядро, дзежка, бочка - рабілі; трэба былі хамут, церассядзёлак, боты, світка, кажух, шапка, сарочка, штаны, рукавіцы - шылі; трэба былі вяроўка, атосы, лейцы, аборы - вілі; палатно, абрус, ручнік, коўдра, посцілка - ткалі... Самі, кожны сабе, будавалі хаты, хлявы, гумны, ёўні, лазні…”.  

Даследуючы побыт сваіх продкаў, вучні даведваюцца пра  такія рэчы, як гляк, збан, пражэльнік, прасы-качалкі , ступкі, ступы, кросны, чыгункі, і награвальныя прасы.якія, каб  нагрэць, ставілі на печ або насыпалі ў іх гарачае  вуголле.

У сваім жыцці кожны чалавек так ці інакш сустракаецца з пытаннемдзе нашыя карані, што нас чакае ў будучыні, для чаго мы жывём ?  У поўнай меры адказ на гэта пытанне даў класік беларускай літаратуры У. Караткевіч:  “У падзеях мінулага – нашы карані. А дрэва без карэння не можа ні існаваць, ні тым больш – прыносіць плады”. Вось чаму выхаванне нацыянальнай самасвядомасці патрэбна пачынаць з вывучэння сваёй малой радзімы, будзь то вёска, пасёлак ці  горад. Кожнаму патрэбна веданне сваёй гісторыі, свайго радаводу.

Захоўваць гістарычную, культурную спадчыну продкаў, выхоўваць у школьнікаў павагу ў першую чаргу да саміх сябе закліканы музеі ўстаноў адукацыі.                                          

Кіраўнік мемарыяльнага музея музея  Міколы Гамолкі                                                     Кальцова З.І. 

Комментарии:
Оставлять комментарии могут только авторизованные посетители.